40 ہزار آنسو شیلز خریدار ی سے قبل سٹاک کی تفصیل طلب
لاہور (آن لائن)آئی جی پولیس پنجاب نے آنسو گیس کے 40 ہزار نئے شیلز کی خریداری سے قبل رواں مالی سال استعمال ہونیوالے آنسو گیس کے شیلز اور سٹور میں موجود زائد المیعاد شیلز کی تعداد اور دیگر تفصیلات طلب کر لی ہیں۔
رواں سال ہونیوالے احتجاجی مظاہروں میں مظاہرین کو منتشر کرنے کیلئے آنسو گیس کے کتنے شیلز استعمال کئے گئے ، پنجاب کی کس کس ڈویژن کو کتنے کتنے شیلز فراہم کئے گئے ،اس حوالے سے تفصیلات طلب کی گئی ہیں ۔ بتایا گیا ہے کہ رواں سال راولپنڈی نے سب سے زیادہ آنسو گیس کے شیلز استعمال کئے جبکہ پنجاب پولیس نے اسلام آباد پولیس کو 10ہزار شیلز فراہم کیے جن میں سے ایک شیل بھی واپس نہیں کیا گیا۔
روزنامہ دنیا ایپ انسٹال کریں
