جوان جدید ہتھیاروں کا بہترین استعمال یقینی بناکروطن کا دفاع کریں :جنرل ساحرشمشاد
راولپنڈی (خصوصی نیوزرپورٹر)چیئرمین جوائنٹ چیفس آف سٹاف کمیٹی جنرل ساحر شمشاد مرزا نے گزشتہ روز پاک بحریہ کے آپریشنل بیس اورماڑہ کا دورہ کیا ۔
آئی ایس پی آر کے مطابق جنرل ساحر شمشاد مرزا نے جہازوں اور آبدوزوں کا معائنہ کیا اور سمندر میں یونٹس کی آپریشنل تیاریوں اور جنگی صلاحیتوں کا جائزہ لیا،انہوں آپریشنل تیاری پر اطمینان کا اظہار کیا۔انہوں نے جوانوں کے حوصلے کی تعریف کی اور فیلڈ یونٹس کو ہدایت کی کہ جدید ہتھیاروں اور آلات کے بہترین استعمال کو یقینی بناتے ہوئے جذبے اور ولولے کے ساتھ مادر وطن کے دفاع کو یقینی بنایاجائے ۔
روزنامہ دنیا ایپ انسٹال کریں
