سائبر کرائم میں ملوث مجرم کو 8 سال قید اور2 لاکھ جرمانہ
اسلام آباد(اپنے نامہ نگارسے )سینئر سول جج و جوڈیشل مجسٹریٹ محمد عباس شاہ کی عدالت نے سائبر کرائم میں ملوث مجرم کومجموعی طور پر 8 سال قید اور2 لاکھ جرمانہ کی سزاکا حکم سنادیا۔
گزشتہ روز سماعت کے دوران دلائل مکمل ہونے کے بعدغیر قانونی گیٹ وے ٹرانسمیشن ایکسچینج میں ملوث ہونے کا جرم ثابت ہونے پرمجرم قیصر عارف کو چار دفعات کے تحت مجموعی طور 8 سال قید اور 2 لاکھ روپے جرمانہ کی سزا سنادی، مجرم کو پی ٹی اے ایکٹ 1996، ای ٹی او 2002 اور پی پی سی کے تحت سزا سنائی گئی،مجرم کے خلاف ایف آئی اے سائبر کرائم سرکل راولپنڈی میں سال 2013 میں مقدمہ درج کیا گیا تھا،مجرم کا تعلق اسلام آباد سے ہے ۔
روزنامہ دنیا ایپ انسٹال کریں
