ملک بھر میں 58لاکھ سے زائد غیر فعال سمز بلاک
اسلام آباد(نیوز رپورٹر،مانیٹرنگ ڈیسک) پاکستان ٹیلی کمیونیکیشن اتھارٹی (پی ٹی اے )نے ملک بھر میں 58 لاکھ سے زائد غیر فعال سمز کو بلاک کردیا۔
پی ٹی اے کے جاری اعلامیہ میں کہا گیا کہ غیر قانونی سمز کے خلاف ملک کے مختلف شہروں میں 40 چھاپے مارے گئے ، چھاپوں میں 7500 سمز اور 152 بائیومیٹرک ویریفکیشن سسٹم ڈیوائسز قبضے میں لے لی گئیں۔ کارروائیوں کے دوران 47 مشتبہ افراد کو گرفتار کیا گیا۔پی ٹی اے کا کہنا تھا کہ یہ چھاپے قصور، کھاریاں، سیالکوٹ، لاہور، پشاور، پنوعاقل، کشمور، سکھر، شیخوپورہ، شرقپور شریف، راولپنڈی، ملتان، ساہیوال اور حسن ابدال میں مارے گئے ۔پی ٹی اے کے مطابق مالی سال 24-2023 کے دوران بھی غیر قانونی سمز کے خلاف کریک ڈاؤن کیا گیا ۔
روزنامہ دنیا ایپ انسٹال کریں
