ایف آئی اے میں2019اور اس کے بعد بھرتی ہونیوالے افسروں کی چھان بین کا فیصلہ
اسلام آباد(دنیا نیوز)ایف آئی اے میں 2019 یا اس کے بعد بھرتی ہونیوالے افسران کی چھان بین کا فیصلہ کر لیا گیا۔
ان تمام افسران و اہلکاروں کے تعلیمی کوائف کو چیک کیا جائے گا، ڈائریکٹر ایچ آر کی سربراہی میں ویری فکیشن سیل قائم کر دیا گیا، تمام ایڈیشنل ڈائریکٹر جنرل اور ڈائریکٹرز کو مراسلہ جاری کر دیا گیا۔2019یا اس کے بعد بھرتی ہونے والے افسران کے کوائف طلب کئے گئے ، تمام افسران و اہلکار اپنی تعلیمی اسناد اور کریکٹر سرٹیفکیٹ جمع کروائیں گے ، تمام سرٹیفکیٹ متعلقہ یونیورسٹی اور ایچ ای سی سے تصدیق شدہ ہونگے ۔ڈومیسائل متعلقہ اضلاع کی انتظامیہ سے تصدیق شدہ ہوں، مراسلے میں تین ماہ کے دوران تمام افسران و اہلکاروں کو دستاویزات جمع کروانے کی ہدایت کی گئی ہے ۔
روزنامہ دنیا ایپ انسٹال کریں
