نواز شریف سے مذہبی سکالر ڈاکٹر ذاکر نائیک کی ملاقات
لاہور(مانیٹرنگ ڈیسک)مسلم لیگ (ن ) کے صدر،سابق وزیر اعظم نواز شریف سے بین الاقوامی شہرت یافتہ مذہبی سکالر ڈاکٹر ذاکر نائیک نے جاتی امرا میں ملاقات کی۔
سابق وزیراعظم نے عالمی سطح پر دین اسلام کے فروغ کے لیے کوششوں پر ڈاکٹر ذاکر نائیک کے کردار کی تعریف کی۔ڈاکٹر ذاکر نائیک کے صاحبزادے فاروق ذاکر نائیک بھی ہمراہ تھے ۔ایک گھنٹے تک جاری رہنے والی ملاقات میں مذہبی سکالر ڈاکٹر ذاکر نائیک نے نواز شریف کو پاکستان میں قیام کے دوران اپنے خوشگوار تجربے سے متعلق آگاہ کیا۔ نواز شریف نے عالمی سطح پر دین اسلام کے فروغ کے لیے کوششوں پر ڈاکٹر ذاکر نائیک کے کردار کی تعریف کی۔نواز شریف کا کہنا تھا کہ ڈاکٹر ذاکر نائیک دین اسلام کو دنیا بھر میں پھیلانے کے لیے اپنا مضبوط کردار ادا کر رہے ہیں۔
روزنامہ دنیا ایپ انسٹال کریں
