پاکستان کو براہ راست موسمیاتی مالی مدد کی ضرورت:جسٹس منصور
اسلام آباد(مانیٹرنگ ڈیسک)جسٹس منصور علی شاہ نے کہا پاکستان کو براہ راست موسمیاتی مالی مدد کی ضرورت ہے، کاربن ٹیکسیشن اینڈ مارکیٹ سے متعلق سیمینار سے خطاب کرتے ہوئے جسٹس منصور نے کہا میں موسمیاتی تبدیلی کا ماہر نہیں۔۔۔
میرا نقطہ نظرجج کی نظر سے ہوگا، پاکستان موسمیاتی تبدیلی سے متاثرہ ممالک میں سے ہے ،کاربن مارکیٹ کی بہت ضرورت ہے، کیا مارکیٹ بیس ٹولز ہماری ضروریات پوری کریں گے ؟، موسمیاتی تبدیلی سے مقابلہ کرنے کیلئے بہت کچھ اپنانا ہوگا، ملک کے مستقبل اور عوام کو دیکھ کر موسمیاتی تبدیلی کی پالیسیوں کو دیکھنا ہو گا، موسمیاتی تبدیلی کے باعث پاکستان کو ہیٹ ویووز،گلیشئرز کے پگھلاؤ اور صحت کے مسائل کا سامنا ہے، ہمیں دیکھنا ہو گا کہ گرین انرجی کی جانب کیسے جانا ہو گا، کلائمیٹ سمارٹ ایگریکلچر اپنا کر میتھین میں کمی لانا ہوگی، موسمیاتی تبدیلی کے لئے بنائے گئے ٹولز کو اپنا کر بہتری آ سکتی ہے ، ایڈیپٹیشن کریڈٹ سے ہیٹ ویو اور سیلابوں سے بچا جا سکتا ہے ، پاکستان کو ڈائریکٹ کلائمیٹ فائنانس کی ضرورت ہے۔
