بارشوں کی کمی پرپنجاب میں خشک سالی کا الرٹ جاری
لاہور(مانیٹرنگ ڈیسک)پی ڈی ایم اے نے بارشوں کی کمی پر پنجاب میں خشک سالی کا الرٹ جاری کر دیا۔
ترجمان پی ڈی ایم اے کے مطابق خشک سالی پر صوبے بھر کے کمشنرز، ڈی سیز اور متعلقہ اداروں کو مراسلہ جاری کیا گیا ہے کہ موسمِ سرما میں 38 فیصد بارشیں کم ہوئیں جس سے بہاولپور، بہاولنگر اور رحیم یار خان میں خشک سالی کا امکان زیادہ ہے ۔ بارشوں کی کمی سے ربیع سیزن کی فصلیں متاثر ہو سکتی ہیں ، چاول کی پیداوار متاثر ہونے سے کسانوں کو نقصان کا اندیشہ ہے ۔مراسلے میں ہدایت کی گئی ہے کہ کسانوں کو ممکنہ آبی قلت کے خدشے سے پیشگی آگاہ کیا جائے ۔
روزنامہ دنیا ایپ انسٹال کریں
