بجلی کا بل اوسط لاگت کے مطابق ہونا چاہیے :حافظ نعیم
لاہور(مانیٹرنگ ڈیسک)امیر جماعت اسلامی حافظ نعیم الرحمان نے بجلی نرخوں میں کمی کا خیر مقدم کرتے ہوئے کہا ہے کہ ہمارا اب بھی یہی موقف ہے کہ بجلی کا بل اوسط لاگت کے مطابق ہونا چاہیے ۔
سماجی رابطے کے پلیٹ فارم ‘ایکس’پر اپنی ٹوئٹ میں انہوں نے کہا بجلی سستی ہونا ہماری تحریک کی بڑی کامیابی ہے ۔قیمتوں میں کمی پر وزیراعظم کے اعلان کا خیرمقدم کرتے ہیں۔ مایوسی کے دور میں نوجوانوں کیلئے پیغام ہے کہ جدوجہد کے نتائج ضرور سامنے آتے ہیں، جو حکومت آئی پی پیز سے بات کرنے کو تیار نہ تھی اس نے نا صرف معاہدوں پر نظر ثانی کی بلکہ فی یونٹ قیمتوں میں کمی کا اعلان بھی کیا۔ انہوں نے اس عزم کا اظہار کیا ہے کہ حق دو عوام کو تحریک آگے بڑھائیں گے ۔
روزنامہ دنیا ایپ انسٹال کریں
