بجلی سستی کرنے پر نواز شریف کی شہباز شریف کو مبارکباد
لاہور(دنیا نیوز،مانیٹرنگ ڈیسک)مسلم لیگ (ن)کے صدر ،سابق وزیر اعظم نواز شریف نے بجلی کے نرخ میں ریکارڈ کمی پر وزیر اعظم شہباز شریف کو مبارکباد پیش کی ہے ۔
اپنے بیان میں نواز شریف نے گھریلو اور صنعتی صارفین کے لئے بجلی کے نرخ کم کرنے پر وزیراعظم کی ٹیم کو بھی سراہا اور کہا شہباز شریف کی کاوشوں سے ملک درست سمت پر گامزن ہوچکا ہے ، بجلی سستی کرنے سے نہ صرف عوام کو ریلیف ملے گا بلکہ ایکسپورٹ بھی بڑھے گی۔نواز شریف نے کہا مسلم لیگ (ن)کے دور میں ہی ہمیشہ عوام کومعاشی ریلیف ملتا ہے ، مہنگائی میں مسلسل کمی (ن)لیگ کی ہی بہترین معاشی پالیسیوں کا منہ بولتا ثبوت ہے ، ملک میں ترقی کی راہیں کھل رہی ہیں، نوجوانوں کو روزگار ملے گا۔
روزنامہ دنیا ایپ انسٹال کریں
