گرمی بڑھنے پر موسم گرما کی چھٹیوں کااعلان کرنیکی ہدایت
لاہور (لیڈی رپورٹر)پی ڈی ایم اے پنجاب نے ہیٹ ویو کے ممکنہ خطرے کے پیش نظر محکمہ سکول ایجوکیشن اور ہائر ایجوکیشن کو مراسلہ جاری کردیا ۔
صوبے بھر کے کمشنرز اور ڈپٹی کمشنرز کو بھی اس ضمن میں مراسلہ بھجوایا گیا ۔ ڈائریکٹر جنرل پی ڈی ایم اے عرفان علی کاٹھیا کی جانب سے جاری کردہ مراسلے میں ہدایت کی گئی ہے کہ شدید گرمی کی صورت میں سکولوں کے اوقات کار میں ردوبدل کیا جائے اور اگر گرمی کی شدت میں اضافہ ہو تو جلد موسم گرما کی تعطیلات کا اعلان کیا جائے ۔مراسلے میں مزید کہا گیا ہے کہ سکولوں اور کالجز میں بلا تعطل صاف اور ٹھنڈے پانی کی فراہمی کو یقینی بنایا جائے ۔پی ڈی ایم اے پنجاب کے مطابق بچوں کو ہدایت کی جائے کہ وہ ہلکے ، ڈھیلے ڈھالے کپڑے پہنیں اور عارضی طور پر آؤٹ ڈور سرگرمیوں پر فوری پابندی عائد کی جائے ۔ کلاس رومز میں وینٹیلیشن، پنکھے اور کولنگ سسٹم کو مکمل طور پر فنکشنل رکھا جائے ۔
