بھارت کے فالس فلیگ آپریشن کا مقصد کشمیر کی تحریک آزادی کو بدنام کرنا ہے :مشعال ملک
لاہور(مانیٹرنگ ڈیسک)کشمیری حریت پسند رہنما یاسین ملک کی اہلیہ مشعال ملک نے کہا ہے کہ بھارت کے اس فالس فلیگ آپریشن کا مقصد کشمیر کی تحریکِ آزادی کو بدنام کرناہے ۔
انہوں نے کہا کہ بھارت کے اس فالس فلیگ آپریشن کی مذمت کرتے ہیں اور بھارتی دہشت گردی کو مسترد کرتے ہیں۔ اپنے ایک پیغام میں مشعال ملک نے کہاکہ پہلگام فائرنگ بالکل سکھوں کا چھٹی سنگھ پورہ قتلِ عام جیسا واقعہ ہے ، بھارت نے سال 2000 میں امریکی صدر بل کلنٹن کے دورے کے موقع پر 35 سکھوں کو قتل کر کے کشمیریوں کو بدنام کرنے کی کوشش کی تھی۔مشعال ملک نے کہا کہ اب بھارت کے دورے پر موجود امریکی نائب صدر جے ڈی وانس کو گودی میڈیا کی جھوٹی خبروں کا شکار نہیں بننا چاہیے ۔
روزنامہ دنیا ایپ انسٹال کریں
