بھارت جذباتی اور غیر معقول اقدامات کر رہا ، بلاول
اسلام آباد(مانیٹرنگ ڈیسک)پیپلز پارٹی کے چیئرمین بلاول بھٹو زرداری نے کہا ہے کہ وزیر اعظم شہباز شریف بھارت کو پہلگام واقعہ کی غیر جانبدارانہ انکوائری کی پیشکش کر چکے جب کہ ماضی میں بھی ایسے بے بنیاد الزامات لگائے گئے۔
بی بی سی کو دئیے گئے انٹرویو کے دوران انہوں نے کہا کہ جب میں وزیر خارجہ نہیں تھا تو پاکستان ایف اے ٹی ایف کی گرے لسٹ میں تھا۔ان کا کہنا تھا کہ میرے وزیر خارجہ کے دور میں پاکستان گرے لسٹ سے نکلا، اس کا مطلب ہے عالمی برادری نے یہ موقف تسلیم کیا کہ پاکستان کا ایسی تنظیموں سے کوئی تعلق نہیں۔بھارت اس وقت جذباتی اور غیر معقول اقدامات کر رہا ہے ۔انہوں نے کہا کہ حکومت پاکستان پہلے ہی واضح کر چکی ہے کہ سندھ طاس معاہدے کا خاتمہ اقدام جنگ سمجھا جائے گا۔
روزنامہ دنیا ایپ انسٹال کریں
