نوازشریف کا بھارت کیخلاف کوئی بیان نہیں آیا :علی محمد
اسلام آباد(دنیا نیوز)رہنما پی ٹی آئی علی محمد خان نے کہا ہے کہ پاکستان کوبھارت کے خلاف مضبوط کیس بنا کردنیا کے سامنے رکھنا ہوگا۔
دنیا نیوز کے پروگرام ‘‘بات نکلے گی’’میں گفتگو کرتے ہوئے علی محمد خان کا کہنا تھا کہ پہلگام واقعہ کا بھارت نے بغیر تحقیق کے الزام لگایا، بھارتی جارحیت کے خلاف تمام سیاسی جماعتیں متحد ہیں۔انہوں نے کہا کہ اس اتفاق رائے سے فائدہ اٹھا کربانی پی ٹی آئی کو جیل سے باہرلایا جائے ، عمران خان سیاسی قیدی ہیں، اتفاق رائے سے سیاسی معاملات کوبھی بہترکرنا ہوگا۔رہنما تحریک انصاف کا کہنا تھا کہ بانی جیسا لیڈر باہر ہوتا تو بھارت کو بھرپورجواب دیتا، نوازشریف کی طرف سے ابھی تک بھارت کے خلاف کوئی بیان نہیں آیا، بانی پی ٹی آئی نے کہا وطن کے دفاع کے لیے سب ایک ہیں، جعفر ایکسپریس،بنوں کینٹ واقعہ، ہمیں دنیا کے سامنے پیش کرنا چاہیے ، دنیا کو بھارت کا اصل چہرہ دکھانے کی ضرورت ہے ۔علی محمد خان نے کہا ہے کہ بھارت نے کوئی حرکت کی تو بھرپورجواب دیں گے ، اس بار ہم کوئی چائے نہیں پلائیں گے ۔
