وفاقی بجٹ کا حجم ساڑھے 17 ہزار سے 18ہزار ارب رکھنے کا تخمینہ
اسلام آباد (مدثرعلی رانا) آئندہ مالی سال 2025-26 کیلئے بجٹ ساڑھے 17 ہزار ارب روپے سے زائد رہنے کا تخمینہ ہے ، دستاویز کے مطابق آئندہ مالی سال نئے بجٹ میں ایف بی آر 6 ہزار 470 ارب روپے کے ڈائریکٹ ٹیکس جمع کرے گا۔
فیڈرل ایکسائز ڈیوٹی کی مد میں 11 سو 53 ارب، سیلز ٹیکس کا ہدف 4943 ارب روپے مقرر کیا گیا ہے ۔کسٹمز ڈیوٹی کی مد میں 1 ہزار 741 ارب روپے ، پٹرولیم لیوی کا ہدف 13 سو 11 ارب روپے مقرر کیا گیا ۔ نان ٹیکس آمدن 25 سو 84 ارب روپے ، صوبے 12 سو 20 ارب کا سرپلس دیں گے ۔ آئندہ سال قرضوں پر سود ادائیگیوں کیلئے 8 ہزار 685 ارب روپے خرچ کیے جائیں گے ، آئندہ مالی سال کے دوران دفاع پر 2 ہزار 414 ارب روپے خرچ کیے جائیں گے ۔ ترقیاتی منصوبوں پر وفاق 1065 ارب روپے خرچ کرے گا جبکہ 6 ہزار 588 ارب روپے کا قرض حاصل کرنے کا تخمینہ لگایا گیا ہے ۔ بے نظیرانکم سپورٹ پروگرام کے تحت 716 ارب روپے کا تخمینہ ہے ، رواں مالی سال کی نسبت آئندہ مالی سال بے نظیرانکم سپورٹ پروگرام میں 20 فیصد اضافہ ہو گا۔
