مودی کی سیاسی موت ہوچکی
اسلام آباد (مانیٹرنگ ڈیسک،آئی این پی ) وزیر دفاع خواجہ آصف نے کہا ہے بھارتی وزیراعظم نریندر مودی اپنی اوقات پر اتر آیا ہے اور مودی جیسے لوگ اقتدار میں آجائیں تو ملک کے ساتھ دنیا کا امن تباہ کرتے ہیں۔
ٹی وی پروگرام میں گفتگو کرتے ہوئے خواجہ آصف نے کہا جس طرح نیتن یاہو قصائی کا کردار ادا کررہا ہے اس کی کوئی مثال نہیں ملتی لیکن جو مودی کہہ رہا ہے دراصل انہیں امید نہیں تھی ان کے ساتھ جو 3 سے 4 دن میں ہوگیا۔ان کا کہنا تھا ڈیجیٹل اور سائبروار فیئر میں ہمیں بھارت کے خلاف قابل قدر کامیابی ہوئی، چند گھنٹوں کے دوران جو بھارت کے ساتھ کیا اس کی مثال نہیں ملتی، بھارتی اب تک صدمے میں ہیں کہ ان کے ساتھ یہ ہواکیا ہے ۔وزیر دفاع نے کہا مودی کو اپنے سامنے سیاسی موت نظر آرہی ہے جو واقع ہوچکی ہے ، ہماری فوج اور ہمارے بچوں نے وارفیئر میں نئی تاریخ رقم کی ہے ۔ان کا کہنا تھا ڈیجیٹل اور سائبر وار فیئر میں انسانی تاریخ میں ایسا پہلی بار ہوا ہم نے ان کا سب کچھ ہی بند کردیا تھااور مودی گولی مارنے کی بات کر رہا ہے لیکن ہمیں گولی مارنے کی ضرورت ہی نہیں ہے ، ہم ویسے ہی ان کا سب کچھ بند کردیں گے ۔خواجہ آصف نے کہا مودی کی سیاسی موت ہوچکی ہے اس لیے وہ دوبارہ کسی قسم کا ایڈوانچر کرسکتا ہے لیکن دنیا اب ان کی کسی ایڈوانچر کی حمایت نہیں کرے گا اور ابھی بھی اسرائیل کے سوا کسی نے بھی مودی کی حمایت یا مدد نہیں کی۔
