ترقیاتی منصوبوں کو پائیدار بنانے کیلئے ٹیکس محصولات میں اضافہ ناگزیر:احسن اقبال
لاہور(آئی این پی)وفاقی وزیر منصوبہ بندی و ترقی احسن اقبال نے کہا ہے کہ ترقیاتی منصوبوں کو پائیدار بنانے کے لیے ٹیکس محصولات میں اضافہ ناگزیر ہے ۔
لاہور میں ایک تقریب سے خطاب کرتے ہوئے وفاقی وزیر نے کہا کہ ملک کی ترقی میں نوجوانوں کا کردار کلیدی ہے ، اس لیے حکومت انہیں مرغی، انڈے یا کٹہ نہیں بلکہ لیپ ٹاپ اور اعلیٰ تعلیم فراہم کرے گی۔انہوں نے کہا کہ ہم پہلے بھی وژن 2025 پیش کر چکے ہیں، جس میں طالبعلموں کے لیے خصوصی مواقع رکھے گئے تھے ۔ ہمارا مقصد نوجوانوں کو معیاری تعلیم اور تکنیکی سہولیات مہیا کرکے ملکی معیشت میں فعال کردار ادا کرنے کے قابل بنانا ہے ۔
روزنامہ دنیا ایپ انسٹال کریں
