سی پی این ای وفد کی وزیراعلیٰ خیبرپختونخواسے ملاقات
پشاور(دنیا نیوز)سی پی این ای کے وفد نے صدر کاظم خان کی قیادت میں گزشتہ روز وزیراعلیٰ خیبرپختونخوا علی امین گنڈا پور سے ملاقات کی۔
علی امین گنڈاپور کا اس موقع پر کہناتھاکہ خیبرپختونخوا میں پیکا ایکٹ کے تحت ایک بھی ایف آئی آر درج نہیں ہوگی ،ہم پنجاب آگاہی بل کو مسترد کرتے ہیں ،یہ بل اسلامی تعلیمات کے منافی ہے ،اگرخلیفہ وقت سے سوال ہوسکتاہے تو ہم سے کیوں نہیں ۔آگاہی بل کا اطلاق یکم جنوری سے کرنے سے واضح ہوتاہے کہ موجودہ پنجاب حکومت پی ڈی ایم حکومت کا تسلسل ہے ۔ان کا کہناتھا کہ ہم آزادی صحافت کا ہرفورم پر ساتھ دیں گے ۔صدر سی پی این ای کاظم خان نے کہاکہ سی پی این ای آزادی صحافت کی راہ میں آنے والی ہررکاوٹ کا مقابلہ کرے گی ،عوامی حکومتیں سیاسی مفاد کیلئے نہیں ،عوامی مفا د کیلئے فیصلے کرتی ہیں۔
روزنامہ دنیا ایپ انسٹال کریں
