لیاری کو کچھ نہیں دیا گیا
کراچی (مانیٹرنگ ڈیسک) میر مرتضیٰ بھٹو کے بیٹے ذوالفقار علی بھٹو جونیئر نے کہا ہے کہ موجودہ حکومت نے لیاری کو کچھ نہیں دیا ۔
لیاری میں میڈیا سے گفتگو کرتے ہوئے ان کا کہنا تھا کہ بلڈنگ کنٹرول اتھارٹی نے لوگوں کو کوئی متبادل آپشن بھی نہیں دیا، متعلقہ اداروں اور حکومت نے اس حوالے سے توجہ نہیں دی۔انہوں نے کہا کہ مسائل کو نظر انداز کرنا اختیارات کی بڑی خلاف ورزی ہے ، لیاری کے لوگوں نے پاکستان کی خدمت کی ہے ۔ذوالفقار علی بھٹو جونیئر کا کہنا تھا کہ بلاول بھٹو اور ان کی پارٹی کے لوگ میری بات سن رہے ہوں گے ، میرے کزن بلاول اور دیگر بااختیار لوگ ان مجبور لوگوں کو متبادل جگہ دیں۔ان کا یہ بھی کہنا تھا کہ میں 4 سال کا تھا تب سے اپنے والد کے ساتھ لیاری میں آتا رہا ہوں۔
روزنامہ دنیا ایپ انسٹال کریں
