ترجمان فوج کی جی سی یو لاہور میں طلبہ کیساتھ خصوصی نشست
راولپنڈی (خصوصی نیوز رپورٹر)ترجمان فوج لیفٹیننٹ جنرل احمد شریف نے گورنمنٹ کالج یونیورسٹی لاہور کے طلباء و طالبات کیساتھ خصوصی نشست میں بھارت کے آپریشن سندور کو خاک میں ملانے اور معرکہ حق (آپریشن بنیان مرصوص) کی زبردست فتح کے مختلف پہلوؤں پر روشنی ڈالی۔
ڈی جی آئی ایس پی آر لیفٹیننٹ جنرل احمد شریف نے خصوصی طور پر معرکہ حق کے دوران نوجوانوں کے جذبے ، سوچ اور حب الوطنی کوسراہا۔طلباء و طالبات نے معاشرتی و قومی امور بالخصوص سکیورٹی کے تناظر میں کھل کر سوالات کیے ۔نشست کے اختتام پر طلبہ نے خصوصی طور پر ملی نغمے کے ذریعے پاک فوج کو شاندار خراجِ عقیدت پیش کیا اور قومی اتحاد کی بہترین ترجمانی کی۔ طلبہ نے ڈی جی آئی ایس پی آرکے ساتھ نشست کو خوش آئند قرار دیا اور مستقبل میں بھی ایسی نشست کے اہتمام کی دلی خواہش کا اظہار کیا۔
روزنامہ دنیا ایپ انسٹال کریں
