قابل ٹیکس اشیاء سپلائی کرنیوالے ماہانہ ریٹرن فائل کرنے کے پابند ، نوٹیفکیشن جاری
اسلام آباد (این این آئی)ایف بی آر نے سیلز ٹیکس رولز2006میں ترمیم کا نوٹیفکیشن جاری کر دیا ،قابل ٹیکس اشیا سپلائی کرنے والے ماہانہ ریٹرن فائل کرنے کے پابند ہوں گے ۔ترمیمی نوٹیفکیشن میں تمام رجسٹرڈ کمرشل امپورٹرز، ڈسٹری بیوٹرز، ہول سیلرز کیلئے ہدایات جاری کی گئی ہیں ۔
ایف بی آر کے مطابق خریدی گئی، درآمد شدہ یا سپلائی کی گئی اشیا کی تفصیلات بھی دینا ہوں گی، تمام رجسٹرڈ مینوفیکچررز بھی ماہانہ گوشوار ے جمع کر نے کے پابند ہوں گے ، تیارکردہ اورسپلائی کی جانیوالی تمام اشیا کی تفصیلات بھی دینا ہوگی۔سیلزٹیکس رجسٹریشن کیلئے کمپیوٹرائزڈ سسٹم پر آن لائن درخواست دینا لازم قرار دیا گیا ہے ، سیلزٹیکس فراڈ میں ملوث افراد کی رجسٹریشن بغیر نوٹس معطل کی جا سکے گی۔
روزنامہ دنیا ایپ انسٹال کریں
