ڈاکٹر وردہ قتل کیس:گرفتار ملزم نے اعتراف جرم کر لیا
پلاننگ شازمان کالونی میں کی، فیصل سے مل کر گڑھا کھودکر لا ش دبائی،عادل ملزم جوڈیشل ریمانڈپرجیل روانہ ،5ملزم گرفتار ہوئے ،ایک مقابلہ میں ماراگیا ،پولیس
ایبٹ آباد( دنیا نیوز)ڈاکٹر وردہ کے اغوا اور قتل کیس میں گرفتار ملزم عادل نے اقبال جرم کر لیا،اس نے بتا یا قتل کی پلاننگ شا ہ زمان کالونی کے ایک گھر میں ہوئی،جس دن ڈاکٹر و ردہ قتل ہوئی، ملزم شمریز نے گڑھا کھودنے کی ہدایت کی تھی ،ملزم عادل نے بتایا میں نے فیصل نامی شخص کے ساتھ مل کر گڑھا کھودا اور لاش کو دبا د یا۔پولیس کے مطابق ملزم کی نشاندہی پر ڈاکٹر وردہ کا موبائل فون، اے ٹی ایم کارڈ، گاڑی کا کارڈ اور پاسپورٹ سائز تصویر برآمدکر لی گئی ،عدالت نے ملزم کو جوڈیشل ریمانڈ پر جیل بھیج دیا ۔ ڈاکٹر وردہ قتل کیس میں 5 ملزم گرفتار ہوئے جن میں سے مرکزی ملزم شمریز اپنے 2 ساتھیوں کی فائرنگ سے ہلاک ہوگیا تھا ۔
