آئی ایم ایف سے چھٹکارا نہ پایا تو سخت شرائط کا سامنا کرنا پڑیگا،رانا تنویر
پی ٹی آئی سیاسی جماعت نہیں، فاشسٹ نظریہ جمہوری روایات کے لیے زہر قاتل سہیل آفریدی لاہور کی ترقی دیکھ کر پریشان تو ہوئے ہونگے ، مریدکے میں گفتگو
مریدکے ( این این آئی)وفاقی وزیر غذائی تحفظ رانا تنویر حسین نے کہا دنیا نے دیکھا کہ بھارت کو پاکستان کے ہاتھوں جنگ کے میدان اور سفارتی محاذ پر عبرتناک شکست ہوئی ۔ اگر ہم رواں سال آئی ایم ایف سے چھٹکارے میں کامیاب نہ ہوئے تو مزید سخت شرائط کے ساتھ رجوع کرنا پڑے گا ۔ممتاز مذہبی، روحانی شخصیت پیرسید زاہد شاہ گیلانی سے ان کے چچا کے انتقال پر اظہار تعزیت کے بعد گفتگو کرتے ہوئے رانا تنویر حسین نے کہا کہ فیلڈ مارشل سید عاصم منیر اور وزیراعظم شہباز شریف کی حکمت عملی نے پاکستان کو دنیا کیلئے اہم بنا دیا ، پی ٹی آئی سیاسی جماعت نہیں،یہ اسرائیل اور بھارت کی پراکسی ہے ،پی ٹی آئی الیکشن کمیشن کے پاس رجسٹرڈ جماعت نہیں ،پی ٹی آئی فاشسٹ نظریہ جمہوری روایات کے لیے زہر قاتل ہے ۔ انہوں نے کہا کہ سہیل آفریدی لاہور کی ترقی دیکھ کر پریشان تو ہوئے ہونگے ، انہیں چاہیے کہ وزیر اعلٰی پنجاب مریم نواز کی طرح اپنے صوبے کے عوام کی ترقی اورخوشحالی کے لئے کام کریں۔
