اسلام آباد ،بغیر رجسٹریشن عوامی دستر خوان لگانے پر پابندی
اسلام آباد (اپنے رپورٹرسے )رمضان المبارک کے حوالے سے اسلام آباد میں مختلف شاہراہوں پر دسترخوان لگانے کے لیے ضلعی انتظامیہ سے رجسٹریشن لازمی قرار دے دی گئی ہے ،
دستر خوان لگانے کے خواہشمند افراد مکمل تفصیلات کیساتھ درخواست جمع کروا سکتے ہیں، ترجمان کے مطابق ضلعی انتظامیہ جگہ کی نشاندہی، سکیورٹی سمیت دیگر سہولیات کی فراہمی یقینی بنائیگی،خواہشمند حضرات اپنے شناختی کوائف اور جگہ کی تفصیلات جمع کروا سکتے ہیں۔شہر بھر سے مجموعی طور پر 18 درخواستیں اب تک موصول ہوئی ہیں، ترجمان ضلعی انتظامیہ کے مطابق اسسٹنٹ کمشنرز کی جانب سے جگہ کا معائنہ کرنے کے بعد اجازت نامہ جاری کیا جائے گا۔ بغیر رجسٹریشن عوامی دستر خوان لگانے کی اجازت نہیں ہوگی۔
روزنامہ دنیا ایپ انسٹال کریں
