بھارت سے شکست ،عماد وسیم نے خودکوذمہ دارقراردیدیا
فلوریڈا (اسپورٹس ڈیسک )قومی ٹیم کے آل رانڈر عماد وسیم نے کہا ہے کہ بھارت سے شکست کی ذمہ داری قبول کرتا ہوں، بھارت سے میچ ختم کرنا میری ذمہ داری تھی جو میں نہیں کرسکا، جس کا افسوس مجھے ہے اور ہمیشہ رہے گا۔X
فلوریڈا (اسپورٹس ڈیسک )قومی ٹیم کے آل رانڈر عماد وسیم نے کہا ہے کہ بھارت سے شکست کی ذمہ داری قبول کرتا ہوں، بھارت سے میچ ختم کرنا میری ذمہ داری تھی جو میں نہیں کرسکا، جس کا افسوس مجھے ہے اور ہمیشہ رہے گا۔میڈیا سے گفتگو کرتے ہوئے عماد وسیم نے بھارت سے شکست کو مایوس کن قرار دیتے ہوئے کہا کہ ہمارا گیم پلان یہی تھا کہ میچ کو آخر تک لے کر جانا ہے کیوں کہ وکٹ بیٹنگ کیلئے سازگار نہیں تھی، بدقسمتی سے میں اپنے پلان پر عملدرآمد نہیں کر سکا، بھارت نے بہت اچھی باؤلنگ کی اور ہمیں زیادہ کھل کر کھیلنے کا موقع نہیں دیا۔امریکا اور بھارت سے شکست پر انہوں نے کہا کہ یہ کسی بھی ایک یا دو کھلاڑیوں کا کام نہیں ہوتا، جو بھی ہوتا ہے ٹیم ورک کے نتیجے میں ہوتا ہے ، بھارت سے شکست کی ذمہ داری قبول کرتا ہوں ۔ریٹائرمنٹ سے متعلق سوال کے جواب میں انہوں نے کہا کہ آئرلینڈ سے ہمارا آخری میچ ہے ، اس کے بعد جو بھی کروں گا، سوچ سمجھ کر فیصلہ کروں گا،چیئرمین پی سی بی بھی ٹیم سے متعلق کچھ فیصلے کریں گے ۔عماد وسیم نے کہا کہ جس طرح دنیا کی باقی ٹیمیں کرکٹ کھیل رہی ہیں، ہمیں بھی ویسی کرکٹ کھیلنی چاہئے ۔انہوں نے کہا کہ ہمیں اپنی غلطیوں کو دیکھنا ہوگا کہ ہم سے کیا غلطیاں ہوئیں اور ان پر قابو پانے کی ضرورت ہے ، بیٹنگ، باؤلنگ اور فیلڈنگ کو مزید بہتر کرنا ہوگا، ٹی20 میں کچھ بھی ہوسکتا ہے لیکن ہمیں امریکا سے میچ نہیں ہارنا چا ہئے تھا اور بھارت کے خلاف ہم جیتی ہوئی بازی ہارگئے ۔انہوں نے کہاکہ میں مکمل فٹ تھا، میڈیکل پینل نے مجھے 100 فیصد فٹ قرار دیا تھا، جب ہم میچ ہارتے ہیں تو لوگ بہت سی باتیں کرتے ہیں، لیکن میڈیا میں گردش کرنے والی بہت سی باتوں میں کوئی صداقت نہیں ہے ۔
