نیٹ بال چیمپئن شپ ، مردوں اور خواتین کے 6،6میچز کا فیصلہ
![نیٹ بال چیمپئن شپ ، مردوں اور خواتین کے 6،6میچز کا فیصلہ](https://dunya.com.pk/newweb/images/placeholders_gen_image.jpg)
اسلام آباد(سپورٹس رپورٹر)پاکستان نیٹ بال فیڈریشن کے زیر اہتمام جاری نیشنل نیٹ بال چیمپئن شپ کے پہلے روز مردوں اور خواتین کے 6،6میچز کا فیصلہ ہوگیا ۔
چیمپئن شپ کا افتتاح پاکستان سپورٹس بورڈ کے ڈپٹی ڈی جی شاہد اسلام نے کیا, اس موقع پر پاکستان نیٹ بال فیڈریشن کے چیئرمین مدثر آرائیں بھی موجود تھے ۔ لیاقت جمنازیم میں کھیلے گئے مردوں کے ایونٹ میں پاکستان آرمی نے خیبرپختونخوا کو 9-37 گول ، پاکستان واپڈا نے اسلام آباد کو 34-38 گول ، پاکستان نیوی نے بلوچستان کو 18-29 گول ، پنجاب نے پی این ایف ایلیٹ کو 6-26 گول اور خیبرپختونخوا نے گلگت بلتستان کو 23-29 گول سے ہرا دیا۔ آزاد جموں و کشمیر نے پاکستان ائیر فورس کے خلاف واک اوور حاصل کیا۔ خواتین کے مقابلوں میں پنجاب نے خیبرپختونخوا کو 10-18 گول ، پاکستان واپڈا نے آزاد جموں و کشمیر کو 5-34 گول ، سندھ نے بلوچستان کو 5-39 گول ، پاکستان آرمی نے پی این ایف ایلیٹ کو 6-25 گول ، کوسما پولیٹن روز اکیڈمی نے پنجاب کو 14-32 گول اور گلگت بلتستان نے سندھ کو 6-22 گول سے ہرا دیا۔چیمپئن شپ کے کوارٹر اور سیمی فائنلز مقابلے آج ہفتہ کو کھیلے جائیں گے جبکہ تیسری پوزیشن اور فائنل مقابلے کل ہونگے ۔