ٹی 20 سیریز میں بھی آسٹریلیا کو واش آؤٹ کرینگے :محمدرضوان
پرتھ(سپورٹس ڈیسک ) قومی ٹیم کے کپتان محمد رضوان آسٹریلیا کو ون ڈے سیریز میں شکست دینے کے بعدٹی ٹونٹی سیریز میں بھی وائٹ واش کرنے کیلئے پر عزم ہیں۔ ڈریسنگ روم میں کھلاڑیوں سے گفتگو کرتے ہوئے۔۔
انہوں نے کہاکہ ہم ٹی ٹونٹی سیریز میں بھی آسٹریلیا کو واش آؤٹ کرینگے ، پاکستان ایک ٹیم ہے جس نے آسٹریلیا کے خلاف متحد ہوکر کھیلا، جن چیزوں میں یہ ہمیں لڑا تے تھے ہم نے ان کو لڑا دیا، ٹیم سے کوئی امید نہیں کررہا تھا کہ ہم آسٹریلیا میں آسٹریلیا کو ہرائیں گے ، مجھے پوری امید ہے کہ دنیا کی ٹیموں نے ہم سے سیکھا ہوگا۔ آسٹریلیا سے جیت کے بعد سیکھنے کا عمل شروع ہوا ہے ، ہمارے گولز اور اہداف بڑے ہونے چاہئیں، چیمپئنز ٹرافی، ورلڈکپ اور اولمپکس جیسے ٹائٹل جیتنے ہیں، کسی بھی ملک جائیں گے اور تاریخ رقم کریں گے ۔رضوان نے کھلاڑیوں کا جذبہ ابھارتے ہوئے کہا کہ 22 ، 23 سال سے نہ جیتنے والی باتیں ختم کریں گے اور کرکٹ میں جیت کی نئی تاریخیں درج کریں گے ، ہم سب ایک ہوکر ایک جذبے کے ساتھ کھیلیں گے ، پوری دنیا کو ہم ایک ساتھ نظر آنے چاہئیں ۔
