چیمپئنز ٹرافی:وزیراعظم کامحسن نقوی پرمکمل اظہاراعتماد
اسلام آباد(سپورٹس رپورٹر )وزیرِ اعظم شہباز شریف سے چیئرمین پاکستان کرکٹ بورڈ محسن نقوی نے ملاقات کی اور وزیرِ اعظم کو آئی سی سی چیمپئنز ٹرافی ٹورنامنٹ کی پیشرفت سے آگاہ کیا۔
وزیرِ اعظم نے چیمپئنز ٹرافی سے متعلق چیئرمین پی سی بی محسن نقوی کے اصولی مؤقف کو سراہا، انہوں نے چیمپئنز ٹرافی ٹورنامنٹ سے متعلق چیئرمین پی سی بی پر مکمل اعتماد کا اظہار کرتے ہوئے کہاکہ چیمپئنز ٹرافی ٹورنامنٹ سے متعلق آپ کا مؤقف ہر پاکستانی کے دل کی آواز ہے ، آئی سی سی میں آپ نے پاکستان کے 24 کروڑ عوام کی ترجمانی کی۔ پاکستان کی عزت سب سے پہلے ہے اور اس کے بعد کچھ اور ہے ۔اس موقع پر محسن نقوی نے کہا کہ پی سی بی پاکستان میں چیمپئنز ٹرافی ٹورنامنٹ کے انعقاد کے لیے تیار ہے ، ہم پاکستان اور کرکٹ کی جیت چاہتے ہیں۔ چیمپئنز ٹرافی سے متعلق اچھی خبر سامنے آئے گی۔
روزنامہ دنیا ایپ انسٹال کریں
