سٹارزکی ٹیم نے نیشنل ویمن ون ڈے ٹورنامنٹ جیت لیا
راولپنڈی(سپورٹس رپورٹر)سٹارزنے نیشنل ویمن ون ڈے ٹورنامنٹ جیت لیا۔سدرہ امین کی قیادت میں سٹارز کی ٹیم نے پنڈی کر کٹ سٹیڈیم میں کھیلے گئے نیشنل ویمن ون ڈے ٹورنامنٹ کے فائنل میں کانکرز کی ٹیم کو پانچ وکٹوں سے شکست دی ۔
کانکرز کی ٹیم نے ٹاس جیت کر پہلے بیٹنگ کا فیصلہ کیا اور 45 اوورز میں 9 وکٹوں کے نقصان پر 178 رنز بنائے ، حفصہ خالد 47 جبکہ دعا ماجد 40 رنز بناکر نمایاں رہیں۔سٹارز کی وحیدہ اختر نے 3وکٹیں حاصل کیں۔سٹارز کی ٹیم نے مطلوبہ ہدف 43.2 اوورز میں 5وکٹوں کے نقصان پر حاصل کر لیا ۔ سدرہ امین نے 77رنز کی شاندار اننگز کھیلی۔کانکرز کی نشرہ سندھو نے 2 وکٹیں حاصل کیں۔سدرہ امین کو پلیئر آف دی میچ کا ایوارڈ دیا گیا ۔
روزنامہ دنیا ایپ انسٹال کریں
