غلط شاٹ سلیکشن پر گواسگرنے پنت کواحمق قرار دیدیا
میلبرن(سپورٹس ڈیسک )سابق بھارتی کرکٹر و کپتان سنیل گواسکر نے میلبرن ٹیسٹ میچ کے دوران رشبھ پنت کی شارٹ سلیکشن پر انہیں احمق قرار دیدیا۔
میلبرن میں کھیلے جارہے ٹیسٹ میچ کے تیسرے روز آسٹریلیا کے خلاف بھارتی بیٹنگ لائن پہلی اننگز میں مشکلات کا شکار تھی کہ اور رشبھ پنت 37 گیندوں پر 28 رنز بنا کر اچھی فارم میں نظر آرہے تھے لیکن انہوں نے ایک غیر روایتی شارٹ کھیل کر وکٹ گنوادی، جس پر کمنٹری کرنیوالے لیجنڈری سنیل گواسکر نے انہیں احمق کہا۔کھانے کے وقفے کے دوران سٹار سپورٹس پر بات کرتے ہوئے گواسکر نے میچ کی صورتحال اور فیلڈ پلیسمنٹ کے پیش نظر شاٹ کو "بیوقوفی" قرار دیا، انہوں نے کہا کہ آپ کے پاس وہاں دو فیلڈرز ہیں، اور آپ اب بھی اس شاٹ کو کھیلنے کی کوشش کررہے ہیں۔ رشبھ پنت نے وکٹ خود گنوائی ہے اس لمحے جب بھارت کو آپکی ضرورت تھی اور نامناسب شارٹ لگاکر آؤٹ ہوگئے ۔
