چیمپئینز ٹرافی: فینز کا لہو گرمانے کیلئے آئی سی سی کا نیا پرومو جاری

لاہور(سپورٹس ڈیسک )چیمپئینز ٹرافی ٹورنامنٹ کے آغاز سے قبل فینز کا لہو گرمانے کیلئے آئی سی سی نے نیا پرومو جاری کردیا۔آئی سی سی کی جانب سے جاری کردہ پروموشنل ویڈیو میں لیجنڈری فاسٹ بولر وسیم اکرم کو نمایاں دیکھایا گیا ہے ۔۔
جو ایونٹ کیلئے وائٹ کوٹ کی اہمیت کو اُجاگر کرتے نظر آرہے ہیں۔میگا ایونٹ سے قبل انٹرنیشنل کرکٹ کونسل کی جانب سے جاری کردہ ویڈیو وائٹ کوٹ کو عظمت کی علامت قرار دیتی ہے ۔وسیم اکرم نے ویڈیو میں کہا کہ اب عالمی کرکٹ کمیونٹی میں ایونٹ کا جوش و خروش پیدا ہوگا، چیمپئینز ٹرافی میں سب سے مضبوط ٹیم ٹورنامنٹ جیتتی نظر آئے گی۔خیال رہے کہ آئی سی سی چیمپئینز ٹرافی میلہ 19 فروری سے سجے گا جبکہ ایونٹ کا فائنل 9 مارچ کو کھیلا جائے گا۔ٹورنامنٹ کا افتتاحی میچ دفاعی چیمپئن پاکستان اور نیوزی لینڈ کے درمیان 19 فروری کو کھیلا جائے گا۔