صائم ایوب 10ہفتوں کیلئے کرکٹ سے باہر
لاہور(سپورٹس ڈیسک ) پاکستان کرکٹ بورڈ نے نوجوان اوپننگ بیٹر صائم ایوب کے حوالے سے اپ ڈیٹ جاری کرتے ہوئے کہاہے کہ صائم ایوب 10 ہفتوں کیلئے کرکٹ سے باہر رہیں گے ۔
ایم آر آئی سکین، ایکسریز اور میڈیکل رپورٹس کے بعد صائم ایوب کو 10 ہفتوں تک آرام کا مشورہ دیا گیا ہے ۔صائم ایوب بدستور اپنا ری ہیب انگلینڈ میں جاری رکھیں گے تاہم وہ پہلے سے بہتر محسوس کر رہے ہیں۔علاوہ ازیں صائم ایوب کی دورۂ نیوزی لینڈ کیلئے شرکت ان کی فٹنس سے مشروط ہوگی۔پاکستان اور نیوزی لینڈ کے درمیان وائٹ بال سیریز 16 مارچ سے 5 اپریل تک کھیلی جائے گی۔
روزنامہ دنیا ایپ انسٹال کریں
