ڈوپ ٹیسٹ مثبت آنے پر 8 ایتھلیٹس پر پابندی لگادی گئی
لاہور(سپورٹس ڈیسک )پاکستان سپورٹس بورڈ نے ڈوپ ٹیسٹ مثبت آنے پر 8 ایتھلیٹس پر پابندی لگا دی۔ترجمان پی ایس بی کے مطابق 8 ایتھلیٹس پر پابندی گزشتہ برس ہونے والے ڈوپ ٹیسٹ کے نتائج کی بنیاد پر لگائی ہے۔۔۔
پی ایس بی نے 2024ء میں مجموعی طور پر 140 اینٹی ڈوپنگ ٹیسٹ کئے ، جن میں 13 ایتھلیٹس کے ڈوپ ٹیسٹ مثبت ثابت ہوئے ،8 میں سے 5 کھلاڑیوں کا تعلق ویٹ لفٹنگ، ایک کا باڈی بلڈنگ، ایک کا سائیکلنگ اور ایک پلیئر کا تعلق ایتھلیٹس سے ہے ۔ ویٹ لفٹر فرقان احمد پر 2 سال ، جمیل اختر اور محمد یوسف پر 3-3 سال اور غلام حسین شاہد پر 4 سال کی پابندی لگائی گئی ہے ، ارسلان رؤف 3 سال کیلئے معطل ہیں جبکہ سائیکلسٹ نتالیہ خان اور سپرنٹر انیس خان پر بھی 3-3 سال کی پابندی لگائی گئی ہے ۔ باڈی بلڈر کاشف شاہ پر 4 سالہ پابندی لگی ہے جبکہ شاٹ پٹ ایتھلیٹ ماہنور ڈوگر اور مڈل ڈسٹنس رنر ربیلہ فاروق کا ڈوپ ٹیسٹ بھی مثبت آیا ہے ، جن کے خلاف کارروائی کا عمل جاری ہے ۔ترجمان پی ایس بی کے مطابق سپرنٹر نوید انجم ، ویت لفٹر ملک سبحان اور حماد علی کو بھی نوٹس جاری کردیئے گئے ہیں۔
