پاک بھارت میچ میں دونوں ٹیموں پر دباؤ ہوگا:نسیم شاہ
کراچی (سپورٹس ڈیسک)قومی کرکٹ ٹیم کے فاسٹ بالر نسیم شاہ نے کہا ہے کہ ہماری نظر پورے ایونٹ پر ہے ، ابھی تک ٹیم میں ایسی کوئی ڈسکشن نہیں ہوئی کہ بھارت کے ساتھ کیسے کھیلنا ہے ۔۔
پاک بھارت میچ میں دونوں ٹیموں پر دباؤ ہوگا۔میڈیا سے گفتگو کرتے ہوئے انہوں نے کہاکہ پوری دنیا میں دیکھیں تو فاسٹ با لر کی سپیڈ 140 تک ہوتی ہے ، چند ایسے بالرز ہیں جنہوں نے اس کو برقرار رکھا ہے ۔ انہوں نے کہا کہ ان وکٹوں پر اچھی لائن لینتھ پر بالنگ کرنا ہدف ہو گا، فاسٹ بالر ہو یا سپنر سب کا اپنا کردار ہوتا ہے ۔ ماضی میں بہت قریب جاکر میچ ہارے ،کوشش ہوگی غلطیاں نہ دہرائیں۔انہوں نے کہاکہ پچھلی دو تین سیریز میں فاسٹ بالرز نے اچھی بالنگ کی، خود پر یقین ہے اپنا بیسٹ دیں گے ، پچھلے میچ میں بالنگ اچھی نہیں ہوسکی، جب آپ پرفارمنس دیتے ہیں تو سب غلطیاں چھپ جاتی ہیں، یقین ہے کہ اس ایونٹ میں اچھی بالنگ کریں گے ۔نسیم شاہ نے کہا کہ سٹیڈیم بہت اچھے بنے ہیں ،جو بھی ٹیم بنی ہے وہ بیسٹ ہے ، آخری دو سیریز میں پرفارمنس اتنی اچھی نہیں تھی، امید کرتا ہوں پرفارمنس اچھی ہوں گی ، ہر میچ سے سیکھنے کو ملتا ہے ۔انہوں نے کہا کہ ٹیم کے طور پر دیکھتے ہیں کہ کون سی غلطیاں ٹھیک کرنی ہیں، کوشش کریں گے کہ کراچی میں دوسرا میچ جیتیں، ٹیم پر اعتماد ہے ، نتائج اچھے ہوں گے ۔
