کرکٹر احمد شہزاد کا الخدمت تھیلیسیمیا سنٹر نشترآباد پشاور کا دورہ
پشاور(سپورٹس ڈیسک )قومی ٹیم کے سابق کپتان اور احمد شہزاد فاونڈیشن کے بانی احمد شہزاد نے اپنے دورہ پشاور کے دوران الخدمت تھیلیسیمیاء سینٹر نشترآباد پشاور کا وزٹ کیا۔۔۔
اورسنٹر میں زیر علاج بچوں میں تخائف اور نقد رقوم تقسیم کیں۔اس موقع پر الخدمت فاونڈیشن پاکستان کے انچارج برائے امورخارجہ شاہد اقبال اورصوبائی صدر خالد وقاص بھی ان کے ہمراہ تھے ، الخدمت ہسپتال نشترآباد کے ڈائریکٹر ڈاکٹر اقتدار احمد روغانی نے انہیں الخدمت ہسپتال اور الخدمت تھیلی سیمیاء سینٹر میں دی جانی والی سہولیات کے حوالے سے بریفنگ دیتے ہوئے بتایا کہ ہمارے ساتھ تھیلیسیمیاء میں مبتلا 600بجے رجسٹرڈ ہیں جنہیں بلڈ ٹرانفیوژن کی سہولیات بلامعاوضہ فراہم کی جاتی ہیں۔اس موقع پر احمد شہزاد نے کہاکہ تھیلیسیمیاء جیسی موذی مرض میں مبتلا بچوں کو معیاری طبی سہولیات کی فراہمی کے لئے الخدمت فاونڈیشن گرانقدرخدمات سرانجام دے رہی ہیں۔ ہمارے ادارے احمد شہزاد فاونڈیشن کے قیام کا بنیادی مقصد بھی یہی ہے کہ معاشرے کے پسے ہوئے کمزور اور محروم طبقات کو زندگی کی بنیادی سہولیات کی فراہمی یقینی بنائی جائیں۔ ہم الخدمت فاونڈیشن کے تجربات سے استفادہ کررہے ہیں اور ضرورت اس امر کی ہے کہ معاشرے کے اہل خیراورصاحب ثروت افراد اس نیک مقصد میں الخدمت فاونڈیشن جیسی بے ، لوث خدمت کرنے والے اداروں کی پشتیبانی کریں اور اپنے عطیات کے زریعے خدمت خلق کے مشن کو جاری رکھنے میں تعاون کریں۔
