چیمپئنز ٹرافی کی جیت ،روہت شرما کی ٹیسٹ کپتانی میں توسیع
ممبئی (سپورٹس ڈیسک)چیمپئنز ٹرافی ٹورنامنٹ کی جیت کے بعد بھارتی کپتان روہت شرما کو انعام مل گیااورانکو ٹیسٹ فارمیٹ کی کپتانی میں توسیع مل گئی ہے ۔۔
وہ انگلینڈ کے خلاف ٹیسٹ سیریز میں بھارتی ٹیم کی قیادت کرینگے ،بھارتی میڈیا کے مطابق سلیکٹرز نے روہت شرما پر نئے سرے سے اعتماد کا اظہار کیا ہے ، جون سے اگست تک ہونے والے دورۂ انگلینڈ کے لیے انہیں اعتماد کا ووٹ مل گیا ہے ۔روہت شرما کو یقین دہانی کرا دی گئی ہے کہ وہ انگلینڈ میں کپتان ہونگے ،واضح رہے کہ حال ہی میں آسٹریلیا کے خلاف ٹیسٹ سیریز میں شکست کے بعد روہت شرما کی کپتانی خدشات کا شکار تھی۔روہت شرما کی انفرادی کارکردگی بھی ناقص رہی تھی، انہوں نے 3 ٹیسٹ میچز میں 31 رنز بنائے تھے اور سیریز کے آخری ٹیسٹ سے انہیں ڈراپ بھی کر دیا گیا تھا۔
روزنامہ دنیا ایپ انسٹال کریں
