کرکٹ کینیڈا کے چیف ایگزیکٹو پر فراڈ کا چارج عائد
کیلگری(سپورٹس ڈیسک)کرکٹ کینیڈا کے چیف ایگزیکٹو سلمان خان پر چوری اور فراڈ کا چارج عائد ہوگیا۔میڈیا رپورٹس کے مطابق کرکٹ کینیڈا کے چیف ایگزیکٹو سلمان خان پر الزام ہے۔۔
کہ 2014 اور 2016 کے دوران جب وہ کیلگری اینڈ ڈسٹرکٹ کرکٹ لیگ کے صدر تھے تب مالی بے ضابطگی کی۔پولیس نے بیان میں کہا کہ 2 افراد لیگ میں کم سے کم 2 لاکھ ڈالر کے ہیرا پھیری میں ملوث ہیں، یہ رقم لیگ انفراسٹرکچر کی اپ گریڈیشن وغیرہ کیلئے لی گئی مگر یا تو یہ کام مکمل ہی نہیں کیا گیا یا پھر بہت ہی مہنگے داموں انتہائی ناقص چیزیں خریدی گئیں۔دوسری جانب سلمان خان نے خود کو بے قصور وار قرار دیتے ہوئے کہا کہ ان کی گرفتاری کی جھوٹی خبریں پھیلائی گئی ہیں۔
روزنامہ دنیا ایپ انسٹال کریں
