کیویز کے جو کیچز ہونے تھے وہ چھکے ہوئے :حارث رؤف
ڈونیڈن (سپورٹس ڈیسک )قومی ٹیم کے فاسٹ بولرحارث رؤف نے کہاہے کہ سب کھلاڑیوں نے محنت کی ہے لیکن ہمارے بولرز بدقسمت رہے ۔
ڈونیڈن میں نیوزی لینڈ سے شکست کے بعد پریس کانفرنس کے دوران انہوں نے کہاکہ سب کھلاڑیوں نے محنت کی ہے ، اس گراؤنڈ پر ہائی سکورنگ میچز ہوتے ہیں۔ نیوزی لینڈ نے اچھی کرکٹ کھیلی لیکن پاکستانی بولرز اچھی بولنگ نہیں کرا سکے ۔ کیوی بیٹرز کے کچھ شاٹ ایسے تھے جن میں ہمارے بولرز بدقسمت رہے ، کیوی بیٹرز کے ٹاپ ایج لگنے پر بھی چھکے ہو رہے تھے ، ان کے جو کیچز ہونے تھے وہ چھکے ہوئے ۔ ایک سوال کا جواب دیتے ہوئے انہوں نے کہا کہ پاکستان کرکٹ ٹیم پر تنقید عام ہو چکی ہے ، لوگ انتظار کر رہے ہوتے ہیں کہ ٹیم ہارے تو تنقید شروع کریں، پاکستان میں تنقید معمول بن چکی ہے ، مگر سب کی اپنی رائے ہے ، وہ رائے دے سکتے ہیں۔ نوجوان کھلاڑیوں کو موقع دیا ہے تو پورا موقع دینا ہو گا، دنیا میں نوجوان کرکٹرز کو 10 سے 15 میچز کا موقع دیا جاتا ہے ، تمام سینئرز جونیئر کھلاڑیوں کو بھرپور سپورٹ کررہے ہیں۔ یہ تاثرغلط ہے کہ پاکستانی فاسٹ بولر ایشیا کی پچز پر مشکل میں ہیں، دنیا کے فاسٹ بولر جب پاکستان آتے ہیں تو وہ ہم سے پوچھتے ہیں کہ یہاں کس طرح بولنگ کرتے ہیں۔
