سیریز ہارے ہیں، کسی ٹورنامنٹ سے آؤٹ نہیں ہوئے ، اظہر محمود
ویلنگٹن (سپورٹس ڈیسک )پاکستان کرکٹ ٹیم کے بولنگ کوچ اظہر محمود کا نے کہا ہے کہ نیوزی لینڈ کے خلاف سیریز ہارے ہیں، کسی ٹورنامنٹ سے آؤٹ نہیں ہوئے ،فاسٹ بولرز کی کارکردگی انفرادی ہورہی ہے ۔۔
بحیثیت بولنگ یونٹ نہیں ہورہی۔اپنے ایک بیان میں انہوں نے کہا کہ ایک بولر اچھی بولنگ کرتا ہے تو دوسرا اس طرح پرفارمنس نہیں دیتا، تین کے تین بولرز ایک ساتھ پرفارم کریں تو اچھا ہوگا ۔ ایک میچ میں حارث نے بہت اچھی بولنگ کی، باقی نہیں کرسکے ، نوجوانوں پرمشتمل ٹیم ہے ،کھلاڑیوں کی انجری اور فائٹ سپرٹ سب نے دیکھ لی، سیریز ہار گئے ہیں کسی ٹورنامنٹ سے آٹ نہیں ہوئے ، ماڈرن ڈے کرکٹ میں اب 160 سکور نہیں ہوتا،180 یا 200 پلس ہی ہوتا ہے ۔ شاہین آفریدی بدقسمت رہے ان کی گیند پر ٹاپ ایج ہوئے لیکن وکٹ نہیں ملی، نیوزی لینڈ آئے تو بہت چیلنجز کا سامنا تھا، کوشش ہوگی سیریز 3-2کرکے جائیں ، بیٹرز کو بانس اور پیس کا سامنا تھا، ماضی کی نسبت اب زیادہ بانس ہوتی ہے ۔ بیٹر کو بتایا کہ پیس کے ساتھ لڑنا نہیں ہے اس کو استعمال صحیح کرنا ہے ، بولرز کو بھی بتایا کہ یہاں اس طرح کی لینتھ رکھنی ہے ، ابرار کو آٹھ میچز ملے ہیں جو زیادہ نہیں ہیں۔
