انجیوپلاسٹی کے بعدتمیم اقبال کی حالت بہتر ہونے لگی
ڈھاکا(سپورٹس ڈیسک )انجیوپلاسٹی کے بعد بنگلہ دیش کرکٹ ٹیم کے سابق کپتان تمیم اقبال کی طبیعت بہتر ہونے لگی۔
بنگلہ دیشی میڈیا کے مطابق تمیم اقبال انتہائی نگہداشت کے یونٹ میں ہیں اور اب ری کوری کی جانب بڑھ رہے ہیں، اگلے 24 گھنٹے اب بھی اہم ہیں۔تمیم اقبال ڈینجر زون سے نکل چکے ، انہوں نے گزشتہ شب فیملی ممبر کے سہارے ہلکی موومنٹ بھی کی تھی، ان کا حکومتی سطح پر بھی خیال رکھا جا رہا ہے ۔میڈیا کے مطابق اگر کوئی پیچیدگی نہ ہوئی تو اگلے 24 گھنٹوں میں تمیم مزید بہتر ہوں گے ، وہ گراؤنڈ میں ہی کوما میں چلے گئے تھے ، سپورٹ سٹاف نے ان کا سی پی آر کیا تھا۔
روزنامہ دنیا ایپ انسٹال کریں
