پی ایس ایل :افتتاحی تقریب کل شام راولپنڈی میں ہوگی
راولپنڈی (سپورٹس ڈیسک )پی ایس ایل کے 10ویں ایڈیشن کی افتتاحی تقریب کی میزبانی راولپنڈی کرکٹ سٹیڈیم کے سپرد کردی گئی۔
بورڈ کی جانب سے جاری کردہ اعلامیے کے مطابق کل پی ایس ایل کے 10ویں ایڈیشن کی افتتاحی تقریب شام 7 بجے شروع ہوگی، جس میں معروف گلوکار اپنی فارمنس کا جادو جگائیں گے ۔افتتاحی میچ بھی اسی روزرات ساڑھے 8بجے دفاعی چیمپئن اسلام آباد یونائیٹڈ اور لاہور قلندرز کے درمیان راولپنڈی سٹیڈیم میں شروع ہوگا ، افتتاحی تقریب میں معروف صوفی میوزک آرٹسٹ عابدہ پروین کی پرفارمنس کے ساتھ ینگ سٹارز کی پرفارمنس پیش کی جائے گی۔اسکے علاوہ پی ایس ایل انتھم کیلئے علی ظفر، ابرار الحق، نتاشا بیگ اور طلحہ انجم بھی اپنی آواز کا جادو جگائیں گے ، تقریب کے دوران شائقین کو شاندار آتش بازی کا مظاہرہ بھی کیا جائے گا۔
روزنامہ دنیا ایپ انسٹال کریں
