آسٹریلین جونیئر اوپن سکواش میں پاکستان کا 5 ٹائٹلز پرقبضہ
لاہور(سپورٹس ڈیسک )علی سسٹرز سمیت پانچ پاکستانی کھلاڑیوں نے آسٹریلین جونیئر اوپن سکواش چیمپیئن شپ کے مختلف ایونٹس کے فائنلز میں عمدہ کھیل پیش کرتے ہوئے چار گولڈ میڈلز اور ایک سلور میڈل جیت لیا۔
میلبرن میں منعقدہ ٹورنامنٹ کے مختلف ایونٹس کے فائنل میں رسائی پانے والے پاکستان کے 5 سے 4 کھلاڑی فتح سے ہمکنار ہوئے ۔پشاور سے تعلق رکھنے والی علی سسٹرز کے نام سے معروف تین میں سے دو بہنیں چیمپئن بن گئیں، فائنل جیتنے والے چاروں پاکستانی کھلاڑیوں نے کوئی گیم ہارے بغیر 0-3 کے یکساں سکور سے فتوحات اپنے نام کیں۔گرلز انڈر 17 کے فائنل میں ٹاپ سیڈ مہوش علی نے نیو ساؤتھ ویلز کی ریڈن الما پاولاوا کو شکست دی اور گرلز انڈر 13 کے فائنل ٹاپ سیڈ سحرش علی نے کوئنز لینڈ کی ریو کوا باٹا کو بآسانی زیر کرلیا، بوائز انڈر 17 میں راولپنڈی کے اذان علی خان نے نیو ساؤتھ ویلز کے ہنری کراس کو قابو کر کے ٹائٹل اپنے نام کیا جبکہ احمد علی ناز امریکا کے فلی کو مات دے کر بوائز انڈر 12 چیمپئن بن گئے ۔گرلز انڈر 15 کے فائنل میں سحرش علی جاپان کی ایم ایمیلی سینیئر سے 3ـ2 سے ہار گئیں اور سلور میڈل جیتا۔
