ٹینس میں مرد اور خواتین کھلاڑیوں میں تفریق کی جارہی:سرینا ولیمز
لاہور(سپورٹس ڈیسک )خواتین ٹینس کی نامور پلیئر امریکا کی سیرینا ولیمز نے کہاہے کہ اس کھیل میں مرد اور خواتین کھلاڑیوں میں تفریق کی جارہی ہے۔۔
اٹلی کے جینک سینر کو ڈوپنگ کیس میں جو سزا دی گئی ہے وہ کم ہے ، اگر یہی کچھ اُن کے ساتھ ہوتا تو اُنہیں کم از کم 20 برس کی پابندی کا سامنا کرنا پڑتابلکہ اُن سے تمام گرینڈ سلم بھی واپس لے لیے جاتے ۔ ایک انٹرویو میں انہوں نے کہاکہ کہ ٹینس میں دہرا معیار قائم کیا جارہا ہے ، عالمی نمبر ون اٹلی کے جینک سینر کو ڈوپنگ کیس میں جو سزا دی گئی ہے وہ کم ہے ۔
واضح رہے کہ جینک سینر کو ڈوپنگ کیس میں تین ماہ یعنی 9 فروری سے 4 مئی تک پابندی کا سامنا ہے ۔ سرینا کے علاوہ نوواک جوکووچ اور برطانیہ کے لیام بروڈی کا بھی کہنا ہے کہ جینک سینر کو کم سزا ملی ہے ۔
روزنامہ دنیا ایپ انسٹال کریں
