یونس خان کااعظم خان کو اپنی فٹنس پر توجہ دینے کا مشورہ
لاہور(سپورٹس ڈیسک )قومی ٹیم کے سابق کپتان یونس خان نے اسلام آبادیونائٹیڈ کے وکٹ کیپر بیٹر اعظم خان کو اپنی فٹنس پر توجہ دینے کا مشورہ دیتے ہوئے کہاکہ اعظم خان کو اپنی کمزوریوں کو خاص طور پر باؤنسر کے خلاف طاقت میں تبدیل کرنے کی ضرورت ہے۔۔۔
اگر وہ ایسا نہیں کرتے تو بولرز انہیں باؤنسر کا نشانہ بناتے رہیں گے اور بار بار ان کی خامیوں کو بے نقاب کرتے رہیں گے ۔ انہوں نے اعظم خان کو مشورہ دیا کہ اگر وکٹ کیپر اعلیٰ سطح پر کامیابی حاصل کرنا چاہتے ہیں تو اپنی پیشہ ورانہ ذمے داریوں کو سنجیدگی سے لیں۔ ہم سب برگر شوق سے کھاتے ہیں، میں بھی برگر کھاتا ہوں لیکن بطور پروفیشنل ایتھلیٹ ہمیں تحمل کا مظاہرہ کرنا چاہیے ، اس سطح پر غذائی ڈسپلن پر کمپرومائز نہیں کیا جا سکتا۔انہوں نے یہ بھی کہا کہ اگر اعظم خان اپنے کیریئر کو طویل بنانا چاہتے ہیں اور اعلیٰ سطح پر کارکردگی کا مظاہرہ کرنا چاہتے ہیں تو انہیں فٹنس کو ترجیح دینی ہو گی، یہاں کوئی شارٹ کٹ نہیں ہے ۔
