نیشنل ویمنز ٹی 20 ٹورنامنٹ کل سے کراچی میں شروع
کراچی (سپورٹس ڈیسک )نیشنل ویمنز ٹی ٹو نٹی ٹورنامنٹ کل 7 مئی سے کراچی میں شروع ہوگا، ٹورنامنٹ میں پانچ ٹیمیں چیلنجرز، کانکررز ، انونسیبلز ، سٹارز اور سٹرائیکرز حصہ لیں گی۔۔
اور تمام میچز نیشنل بینک سٹیڈیم اور اُس سے ملحقہ ہائی پرفارمنس سینٹر اوول گراؤنڈ میں کھیلے جائیں گے ۔ڈبل لیگ فارمیٹ میں ہر ٹیم آٹھ میچز کھیلے گی اور یوں مجموعی طور پر 22 میچز ہوں گے ۔پوائنٹس ٹیبل پر دوسرے اور تیسرے نمبر پر آنے والی ٹیمیں 22 مئی کو کوالیفائر میں آمنے سامنے ہوں گی جس میں فاتح 24 مئی کو فائنل میں ٹاپ رینک ٹیم سے مقابلہ کرے گی ،ٹورنامنٹ کی فاتح ٹیم کو 15 لاکھ جبکہ رنرز اپ ٹیم کو 10 لاکھ روپے ملیں گے ۔
روزنامہ دنیا ایپ انسٹال کریں
