آئی پی ایل کو اہمیت،ایتھرٹن ای سی بی پر برس پڑے
لندن (سپورٹس ڈیسک)بھارتی کرکٹ لیگ آئی پی ایل کو اہمیت دینے پر سابق انگلش کپتان مائیکل ایتھرٹن انگلینڈ کرکٹ بورڈ پر برس پڑے اور آڑے ہاتھوں لے لیا۔بھارت میں جاری کرکٹ لیگ آئی پی ایل متنازعہ ہوتی جا رہی ہے ۔
ایک جانب رواں سیزن میں میچ فکسنگ کی خبریں گردش کر رہی اور کھلاڑیوں کے تنازعات اور جھگڑے میڈیا کی زینت بن رہے ہیں تو دوسری جانب غیر ملکی سابق کرکٹرز بھی اس حوالے سے آواز اٹھا رہے ہیں۔ان میں سابق انگلش کپتان مائیکل ایتھرٹن بھی شامل ہیں جو انڈین پریمیئر لیگ کو اہمیت دینے پر انگلینڈ کرکٹ بورڈ پر برس پڑے اور انہوں نے جیکب بیتھل کو ٹیسٹ کرکٹ کے بجائے آئی پی ایل کی اجازت دینے پر بورڈ کو آڑے ہاتھوں لیا۔مائیکل ایتھرٹن کا مؤقف ہے کہ بیتھل ای سی بی کے سینٹرل کنٹریکٹ میں شامل ہیں، اس لیے انہیں ٹیسٹ کے لیے دستیاب ہونا چاہیے تھا۔ انگلینڈ کرکٹ بورڈ کو اپنے مؤقف پر قائم رہنا چاہیے ۔واضح رہے کہ انگلینڈ کی کرکٹ ٹیم کو رواں ماہ 22 مئی سے زمبابوے کے خلاف واحد ٹیسٹ میچ کھیلنا ہے ۔ تاہم کئی انگلش کھلاڑی آئی پی ایل میں مصروفیت کے باعث قومی ذمہ داری ادا نہیں کریں گے ۔
