محمد صلاح لیورپول سے ناراض چیمپینز لیگ سکواڈ سے باہر
لاہور(سپورٹس ڈیسک )لیورپول کے مسلسل تین میچوں میں بینچ پر بیٹھنے کے بعد محمد صلاح لیورپول سے ناراض ہوگئے ،33 سالہ مصری فٹ بالر نے کہا کہ ناکامی کا ملبا ڈال کر انہیں ‘قربانی کا بکرا’ بنایا جارہا ہے ،انٹرویو کے فوراً بعد صلاح کو چیمپینز لیگ سکواڈ سے باہر کر دیا گیا، منیجر سلٹ نے وضاحت کی کہ یہ کوئی سزا نہیں بلکہ سکواڈ سلیکشن کا فیصلہ ہے ۔
لیورپول کے سابق کپتان جیمی کیراگر نے صلاح کے بیان کو کلب اور منیجر پر دباؤ ڈالنے کے لیے حربہ قرار دے دیا۔ عرب میڈیا کے مطابق سعودی پرو لیگ نے صلاح کے ساتھ دو سو ملین ڈالر کے معاہدے کی تیاری تیز کردی ہے ۔
روزنامہ دنیا ایپ انسٹال کریں
