کیریئر کا آخری ٹیسٹ،عثمان خواجہ کو شائقین کا خراج تحسین
سڈنی (سپورٹس ڈیسک)پاکستانی نژاد آسٹریلوی کرکٹر عثمان خواجہ کو آخری مرتبہ میدان میں اترنے پر شائقین نے زبردست خراج تحسین پیش کیا۔۔
سڈنی میں کھیلے جارہے ایشیز سیریز کے آخری ٹیسٹ میچ کے تیسرے روز عثمان خواجہ نے اپنے کیریئر کی ممکنہ طور پر آخری اننگز کھیلی۔عثمان خواجہ کے بیٹنگ کیلئے میدان میں آتے وقت شائقین نے اپنی نشستوں سے کھڑے ہوکر تالیاں بجاتے ہوئے انہیں خراج تحسین پیش کیا۔ٹیسٹ کرکٹ میں 16 سنچریز اور 28 نصف سنچریز کی مدد سے 6 ہزار سے زائد رنز بنانے والے عثمان خواجہ کیریئر کے آخری ٹیسٹ کو یادگار نہیں بناسکے اور 17 رنز بناکر آؤ ٹ ہوگئے ۔سڈنی کرکٹ گراؤ نڈ ان کی میدان سے رخصتی کے وقت بھی مسلسل تالیوں سے گونجتا رہا۔
روزنامہ دنیا ایپ انسٹال کریں
