مینڈک کے پسینے سے ذہنی تناؤ دور کرنے والا پاؤڈر تیار
پوری دنیا میں ایسی ادویات پر کام ہورہا ہے جو سونگھنے والے کا ذہنی تناؤ دور کرتے ہوئے اس مسرت اور خوشی پہنچا سکے
کولوراڈو(نیٹ نیوز)پوری دنیا میں ایسی ادویات پر کام ہورہا ہے جو سونگھنے والے کا ذہنی تناؤ دور کرتے ہوئے اس مسرت اور خوشی پہنچا سکے ، اس ضمن میں امریکی ریاست کولوراڈو کے دریاؤں میں پائے جانے والے مینڈک کو بھی آزمایا گیا ہے اور امید افزا نتائج سامنے آئے ہیں۔کولاراڈو ریور میں پائے جانے والے مینڈک کا حیاتیاتی نام Incilius alvarius ہے جس کی جلد سے لیس دار پسینہ خارج ہوتا ہے ۔ اس میں ایک نیا مرکب دریافت ہوا ہے جس سکون آور کمپاؤنڈ قرار دیا جاسکتا ہے ، اس مرکب کا طویل نام فائیو میتھوکسی این این ڈائی میتھائل ٹرائپٹامائن ہے ،ماہرین نے مختصراً اس کا نام 5-MeO-DMT رکھا ہے ۔ سائنس دانوں نے بعض افراد کو مینڈک کی جسمانی رطوبت کا خشک سفوف یعنی پاؤڈر سونگھنے کو دیا تو انہوں نے اطمینان، بہتر دماغی کارکردگی اور ڈپریشن میں کمی کا اعتراف کیا، بعض افراد نے کہا کہ اس کے مثبت اثرات چار ہفتے یا پورے ماہ تک برقرار رہے ۔اگرچہ اس پاؤڈرکے ابتدائی تجربات حوصلہ افزا ثابت ہوئے ہیں تاہم سائنس دان ابھی اس پر مزید تحقیق کریں گے اور اسے دیگر کئی شخص یا جانور پر آزمایا جائے گا تاکہ اس کے مضراثرات باقی نہ رہیں ۔
