زاویہ بدلنے کے ساتھ خود کو بدلتی ہوئی تصویریں
دیوار پر لگی تصویر کو کسی بھی زاویے سے دیکھا جائے ، اس میں کوئی تبدیلی نہیں آتی
میڈرڈ(نیٹ نیوز) لیکن ‘‘ڈائنامک وال آرٹ’’ مصوری کی ایک ایسی شاخ ہے جس میں دیکھنے والے کا زاویہ بدلنے پر تصویر بھی تبدیل ہوجاتی ہے ۔مثلاً اگر آپ کسی تصویر کو دائیں طرف سے دیکھ رہے ہیں تو شاید وہ کسی نوجوان کی ہو۔ لیکن جب آپ اس تصویر کو سامنے سے دیکھیں گے تو ادھیڑ عمر شخص دکھائی دے گا اور جب وہی تصویر بائیں جانب سے دیکھی جائے تو اس میں ایک بوڑھا شخص نظر آنے لگے گا۔یہی وہ چیز ہے جسے ڈائنامک وال آرٹ کا نام دیا گیا ہے اور ہسپانوی شہری سرگائی کیڈیناس اسی آرٹ کے ماہر ہیں۔کیڈیناس نے یہ ہنر اپنے شوق سے سیکھا ہے ۔ یہ کام لکھنے میں جتنا آسان لگتا ہے ، عملاً اتنا ہی مشکل اور وقت طلب ہے کیونکہ ایک ہی کینو س پر مختلف تصاویر اس انداز سے پینٹ کرنے میں بعض مرتبہ کئی دن بھی لگ جاتے ہیں۔
